AQShning Las-Vegas shahrida sport kurashlari bo‘yicha jahon chempionati yakunlandi, deb xabar beradi “Olamsport”.
Musobaqaning oltinchi kuni erkin kurash bahslari o‘tkazildi. So‘nggi kun dasturidan to‘rt vazn toifasida (-57 kg, - 70 kg, -74 kg, -125 kg) g‘olib va sovrindorlar nomi ma’lum bo‘ldi.
Afsuski, ushbu bellashuvlarda ishtirok etgan o‘zbekistonlik Mahmudjon Shavkatov (-57 kg), Bekzod Abdurahmonov (-70 kg) va Rashid Qurbonov (-74 kg) omadsizlikka uchradi. Shu tariqa, O‘zbekiston termasi jahon chempionatida 2 ta kumush medali bilan kifoyalandi.
O‘zbekistonga mazkur medallarni taqdim etgan Rustam Assakalov va Ixtiyor Navro‘zov kelasi yili Braziliyada o‘tkaziladigan Yozgi olimpiya o‘yinlari yo‘llanmasiga ham ega bo‘ldi.
Izoh (0)