London markazidagi Buyuk Britaniya parlamenti yaqinida bir necha o‘n ming kishi namoyishga chiqib, mamlakat hukumatidan qochoqlar oqimi muammosiga yechim topishda yondashuvni o‘zgartirishni talab qilmoqda, deb yozadi “TASS”.
“Xush kelibsiz, qochooqlar” nomli aksiya huquqni muhofaza qiluvchi turli tashkilotlar, shuningdek, Leyboristlar partiyasining yangi yetakchisi Jeremi Korbin tomonidan qo‘llab-quvvatlanmoqda.
Aktivistlar Birlashgan Qirollikning Yevropada Ikkinchi Jahon urushidan beri eng yirik bo‘lgan migratsiya inqirozini hal qilishda faol qatnashishini yoqlab nutq so‘zlamoqda.
Avvalroq Britaniya bosh vaziri Devid Kemeron mamlakat 2020-yilgacha 20 ming nafar suriyalik qochoqni qabul qilishini aytgan edi. Dastlab Buyuk Britaniya hukumati o‘z hududiga qochoqlarning qo‘shimcha sonini qabul qilishga qarshi chiqqan bo‘lsa, mamlakat ichi va tashqarisidagi keskin tanqid Kemeronni o‘z fikrini o‘zgartirishga majbur qildi.
Izoh (0)