Germaniya muhojirlar bilan bog‘liq muammolarning oldini olish uchun 4 ming nafar harbiyni tayyorlab qo‘ydi

Germaniya dam olish kunlari muhojirlar oqimi ko‘paygan taqdirda zarurat uchun 4 ming harbiyni hozirlab qo‘ydi. Bu haqda mamlakat mudofaa vaziri Ursula fon der Lyayen ma’lum qildi, deya xabar beradi “Yevropeyskaya pravda”.

Vazirning aytishicha, lozim bo‘lganda soni oshirilishi ham mumkin bo‘lgan harbiylar “favqulodda holatlarda yordamga kelishi” mumkin va ular “muhojirlarga nisbatan imkon qadar ehtirom bilan” munosabatda bo‘ladi.

Eslatib o‘tamiz, oldinroq Germaniya tashqi ishlar vaziri Frank-Valter Shtaynmayer mamlakatga keyingi ikki kun mobaynida 40 ming nafargacha muhojir kelishi kutilayotganini bildirgan edi.

Yil boshidan beri Germaniyada 450 ming muhojir ro‘yxatdan o‘tdi.