Checheniston Respublikasi rahbari Ramzan Qodirov Davlat dumasi deputatlarini sudlarga Qur’on va boshqa muqaddas kitoblar matnlariga tegishli qaror qabul qilishni taqiqlashga chaqirdi, deya xabar bermoqda Interfax.
“Men shunga qat’iy aminmanki, Davlat dumasi sud tartibida bevosita Qur’on va boshqa muqaddas kitoblar matnlariga aloqador hukmlarni chiqarishni man etuvchi qonunni qabul qilishi kerak”, — deb yozdi Qodirov Instagram sahifasida.
Checheniston rahbari ta’kidlashicha, amalda Rossiyada tuman sudlari mamlakatning o‘nlab million aholisi manfaatlariga tegishli qarorlarni qabul qiladi.
“Dinning qadriyatlari qonundan tashqarida deb e’lon qilinar ekan, vijdon erkinligi haqida gapirib bo‘lmaydi”, — deya qayd etdi u.
Izoh (0)