Hindiston sudi Mumbay shahridagi temiryo‘l vokzalida 2006-yili amalga oshirilgan ketma-ket portlashlar ishi bo‘yicha gumon qilinayotgan 12 kishiga nisbatan ayblovchi hukm chiqardi. Bu haqda “Interfaks” xabar bermoqda.
Mazkur jinoyat ishi bo‘yicha sud jarayoni yetti yil davom etib, 2014-yil avgust oyida yakuniga yetgan edi. Shunga qaramay, sudya Yatina Shinde yakuniy hukmni chiqarishi uchun yana bir bor kerak bo‘ldi. Qayd etishlaricha, sudya ayblanuvchilarni odamlarni ommaviy o‘ldirish va jinoiy til biriktirishda aybdor deb topgan.
Shindening qayd etishicha, u sudlanuvchilarga nisbatan tatbiq etiladigan jazo choralarini 14-sentabr, dushanba kuni — ayblovchi va oqlovchi tomonning barcha dalillari bilan tanishib bo‘lganidan so‘ng o‘qib eshittiradi. Sudlanuvchilar yo o‘lim jazosiga yoki umrbod qamoqqa hukm qilinishi mumkin.
Prokurorlarning so‘zlariga ko‘ra, teraktlar Pokiston razvedkasi tomonidan tashkil etilgan, teraktlar esa bevosita “Lashkar i-Tayba” ekstremistik tashkiloti jangarilari tomonidan amalga oshirilgan. 2006-yil 11-iyul kuni tig‘iz vaqtda yetti yo‘lovchi poyezdning portlatilishi natijasida 188 kishi halok bo‘lgan, 800 dan ortiq odam tan jarohati olgandi.
Izoh (0)