Ҳиндистон суди Мумбай шаҳридаги темирйўл вокзалида 2006 йили амалга оширилган кетма-кет портлашлар иши бўйича гумон қилинаётган 12 кишига нисбатан айбловчи ҳукм чиқарди. Бу ҳақда «Интерфакс» хабар бермоқда.
Мазкур жиноят иши бўйича суд жараёни етти йил давом этиб, 2014 йил август ойида якунига етган эди. Шунга қарамай, судья Ятина Шинде якуний ҳукмни чиқариши учун яна бир бор керак бўлди. Қайд этишларича, судья айбланувчиларни одамларни оммавий ўлдириш ва жиноий тил бириктиришда айбдор деб топган.
Шинденинг қайд этишича, у судланувчиларга нисбатан татбиқ этиладиган жазо чораларини 14 сентябрь, душанба куни — айбловчи ва оқловчи томоннинг барча далиллари билан танишиб бўлганидан сўнг ўқиб эшиттиради. Судланувчилар ё ўлим жазосига ёки умрбод қамоққа ҳукм қилиниши мумкин.
Прокурорларнинг сўзларига кўра, терактлар Покистон разведкаси томонидан ташкил этилган, терактлар эса бевосита «Лашкар и-Тайба» экстремистик ташкилоти жангарилари томонидан амалга оширилган. 2006 йил 11 июль куни тиғиз вақтда етти йўловчи поезднинг портлатилиши натижасида 188 киши ҳалок бўлган, 800 дан ортиқ одам тан жароҳати олганди.
Изоҳ (0)