Harbiy jinoyatlari uchun Isroil bosh vaziri Benyamin Netanyahuni hibsga olish talabi bilan 100 mingdan ziyod britaniyalikning imzosi to‘plandi. Bu haqda “Echo.msk.ru” xabar bermoqda.
Petitsiya Britaniya parlamenti saytida 7-avgust kuni e’lon qilingan edi. Petitsiya muallifi Demian Moran Isroil bosh vazirini 2014-yili 2 mingdan ortiq odamning hayotiga zomin bo‘lganlikda ayblab, uni hibsga olishga chaqirdi.
Britaniya qonunchiligiga muvofiq, agar petitsiya 100 ming imzo to‘plasa, Britaniya parlamenti mazkur murojaatni ko‘rib chiqishga majbur.
Mamlakat hukumati vakillarining ma’lum qilishicha, Britaniyaga tashrif bilan kelayotgan xorijiy davlatlarning rahbarlari sud ta’qibiga qarshi immunitetga ega bo‘ladi. Ayni vaqtda, hukumat mazkur petitsiya haqida Netanyahuni xabardor qilish haqida va’da berdi.
Izoh (0)