Edvard Snouden “shaxsiy hayot daxlsizligi tamoyilini mustahkamlashdagi xizmatlari” va “davlatning o‘z aholisi hamda boshqa mamlakat fuqarolarini kuzatishini tanqid ostiga olganligi” uchun Norvegiya adabiyot va ozodlik akademiyasining Byernson nomidagi mukofoti bilan taqdirlandi. Bu haqda “Exo Moskvi” xabar berdi.
Taqdirlash marosimi Norvegiyaning Mold shahrida bo‘lib o‘tdi, Snouden esa Moskvadan turib, videoaloqa yordamida ishtirok etdi. Mukofot miqdori 100 ming Norvegiya kronasidan iborat (10 ming dollar atrofida).
Eslatib o‘tamiz, sobiq agent AQShga ekstraditsiya qilinishi xavfi borligi sabab mukofot topshirish marosimiga bormaslikka qaror qildi.
Izoh (0)