Samsung Electronics kompaniyasi bosh ofisining yuqori malakali mutaxassislari O‘zbekistonda zamonaviy texnologiyalar sohasida o‘quv seminari o‘tkazadi. Bu haqda Samsung Electronics’ning O‘zbekistondagi vakolatxonasi “Daryo”ga ma’lum qildi.
Sentabr oyida ko‘ngillilar — Samsung’ning yetakchi muhandislari O‘zbekistonga tashrif buyuradi. Bu dastur qatnashchilarining Toshkentga ikkinchi tashrifidir, shu vaqtga qadar hech bir mamlakatda loyiha ikki marta amalga oshirilmagan.
38 ko‘ngilli orasida Samsung kompaniyasining Galaxy seriyasidagi S, Note, Tab smartfonlari, Android operatsion tizimidagi dasturlarni ishlab chiqarishda ishtirok etgan yetakchi mutaxassislari ham O‘zbekistonga keladi.
Leksiyalar 5 ta yo‘nalish bo‘yicha olib boriladi:
- 3D modellashtirish;
- Multimedia;
- Android bazasida yuqori darajada dastur ishlab chiqarish;
- Robototexnika (dronlarni boshqarish);
- Quyosh energiyasidan foydalanish texnologiyalari.
Loyiha Koreya xalqaro hamkorlik agentligi (KOICA) va Toshkent axborot texnologiyalari universiteti hamkorligida tashkil etilmoqda.
Izoh (0)