Бугун, 28 август куни профессионал бокснинг супер оғир вазн тоифасида ўз жангларини ўтказиб келаётган ўзбекистонлик Аҳрор Муралимов АҚШнинг Лас-Вегас шаҳрида ўзининг 18-жангини ўтказади, дея хабар бермоқда «Olamsport.com». Супероғир вазн тоифасида фаолиятини олиб бораётган спортчининг рақиби америкалик Кейт Барри бўлади.
11 ноябрь куни 31 ёшга тўладиган Барри фаолияти давомида 23 та жанг ўтказган бўлиб, шуларнинг 15 тасида ғалаба қозонган. Еттита жангда мағлубиятга учраб, битта баҳсда дуранг қайд этган. Эътиборлиси, нокаут билан ғалаба қозонган ва аксинча мағлубиятга учраган жанглари сони 6 тани ташкил қилади.
Уч йилдан бери фаолиятини АҚШнинг Хюстон шаҳрида давом эттираётган Аҳрор Муралимов эса ҳозиргача 17 та жанг ўтказиб, шуларнинг 16 тасида зафар қучган. Фақат битта чемпионлик жангида америкалик Деррик Россига очколар ҳисоби бўйича ютқазиб қўйган. Муралимовнинг нокаут билан қозонган ғалабалари сони 13 тани ташкил этмоқда.
Изоҳ (0)