Mo‘g‘ulistonning Ulan-Bator shahrida 16 yoshgacha bo‘lgan shaxmatchilar o‘rtasidagi Butunjahon shaxmat Olimpiadasi yakuniga yetib boryapti. Dunyoning kuchli jamoalari qatorida O‘zbekiston o‘smirlar terma jamoasi ham ushbu nufuzli musobaqada ishtirok etyapti, deb xabar qiladi “Olamsport.com”.
Mamatqul Haylayev murabbiyligidagi O‘zbekiston terma jamoasi 8-turda Kanada terma jamoasiga qarshi dona surib, yakunda 2:2 hisobidagi durangga imzo chekdi. Nodirbek Yoqubboyev raqibini mag‘lubiyatga uchratdi. Shamsiddin Vohidov aksincha mag‘lubiyatga uchradi. Ortiq Nig‘matov va Abdumalik Abdusalimov raqiblari bilan murosa ko‘chasini tanladi.
Peshqadam Eron terma jamoasi Qozog‘istondan 3,5:0,5 hisobida ustun keldi. Bugun, 27-avgust kuni o‘tkaziladigan 9-turda O‘zbekiston terma jamoasi singapurlik shaxmatchilarga qarshi dona suradi. Hozircha O‘zbekiston qo‘shimcha ko‘rsatkichlarga ko‘ra turnir jadvalida 12-o‘rinni egallab turibdi.
Izoh (0)