Ucell kompaniyasining ijtimoiy yo‘nalishdagi milliy loyihasi doirasida 27-avgust kuni Farg‘ona shahrida birinchi “Ucell — Quvonch makoni” bolalar o‘yin maydonchasining ochilish marosimi bo‘lib o‘tdi. Birinchi maydonchaning ochilishi O‘zbekiston Respublikasi Mustaqilligining 24 yilligiga bag‘ishlandi.
Viloyatlardagi bolalarning salomatligi va madaniy tarbiyasini qo‘llab-quvvatlash maqsadida kompaniya O‘zbekistonning barcha 12 ta viloyatida bolalar o‘yin maydonchalarini qurishni rejalashtirmoqda. Ular aholi zich yashaydigan joylarga o‘rnatilib, bolali oilalar ulardan foydalana olishi ta’minlanadi. Loyiha umumiy harakatlar hamda Farg‘ona viloyati va shahri hokimliklari ko‘magida, shuningdek, O‘zbekiston Repsublikasi Axborot texnologiyalari va kommunikatsiyalarini rivojlantirish vazirligining qo‘llab-quvvatlashi bilan muvaffaqiyatli amalga oshirildi.
Rasmiy ochilish marosimi Ucell kompaniyasi rahbariyati, viloyat va shahardan faxriy mehmonlar — Farg‘ona shahri hokimi Dilshod Rahmatov, ATKRVning hududiy boshqarmasi boshlig‘i Halimjon Qurbonov ishtirokida bo‘lib o‘tdi. Tadbirning asosiy ishtirokchilari zamonaviy bolalar maydonchasi qurilishini sabrsizlik bilan kutgan 43-Nodirabegim mahallasi bolalari va ularning ota-onalari bo‘ldi. Ko‘ngilochar dastur hech kimni e’tiborsiz qoldirmadi. Ishtirok etganlarning barchasi multfilmlar qahramonlari bilan bajonidil suratga tushib, shu joyning o‘zida esdalik uchun fotosuratlarni oldi.
Shuningdek, bolalar bajonidil rasm chizishdi, raqsga tushishdi hamda tashkilotchilar tomonidan ko‘plab sovg‘alar bilan tayyorlangan tanlovlarda ishtirok etishdi. Ayniqsa, “Quvasoy doirachilari”, “Shalola”, “Tarona” kabi iste’dodli bolalar guruhlari, shuningdek, Farg‘ona shahri musiqa maktablari o‘quvchilarining musiqiy chiqishlari aholining va tadbir mehmonlarining eslarida qoldi.
Kompaniyaning loyihasi “Ucell — Quvonch makoni” deb atalishi bejizga emas. Ucell bolalarning hayotiga quvonchning yorqin ranglarini qo‘shishga harakat qiladi. Bolalar uchun quvnoq arg‘imchoqlar, ota-onalar uchun chiroyli, qulay va obodonlashtirilgan hudud — bularning barchasi mahalliy ranglar bilan mukammal qorishib ketgan.
“Men maydoncha ochilishini qiyinchilik bilan kutdim. Har kuni uy derazasidan qarab, tezroq ushbu arg‘imchoqlarda uchishni istardim. Men o‘z hovlimda bunday maydoncha borligidan faxrlanaman. Bunday sovg‘a uchun Ucell kompaniyasiga rahmat”, — deya o‘z taassurotlari bilan o‘rtoqlashdi 7 yoshli G‘ayrat.
“Mahalla aholisi nomidan Ucell kompaniyasiga ulkan minnatdorchilik bildiramiz. Endi ota-onalar o‘z bolalari xavfsiz hududda muloqot qilishi va barkamol bo‘lib rivojlanishini bilib, ularni bemalol o‘ynashga yuborishi mumkin. Biz maydoncha uzoq yillarga xizmat qilishi uchun albatta qarab boramiz”, — dedi 43-mahalla qo‘mitasi raisi Mohira Mirzamahmudova.
“Ucell — Quvonch makoni” milliy loyihasi bolalarning salomatligi va madaniy tarbiyasini qo‘llab-quvvatlashga, shuningdek, oilaning himoyalangan va qiziqarli vaqt o‘tkazishiga yo‘naltirilgan.
“Maydonchadagi qurilish ishlarining ilk kunlaridan boshlab biz bolalarning chaqnagan nigohlarini ko‘rdik. Ishoning, bolalar kulgusini eshitish va odamlarning yuzida tabassum ko‘rishdan kattaroq quvonch yo‘q. Biz 12 ta bolalar maydonchasidan birinchisini g‘urur bilan Mustaqillik kuniga bag‘ishlaymiz. ‘Ucell — Quvonch makoni’ loyihasi mamlakatimiz farovonligi va oila qadriyatlarining mustahkamlanishi uchun xizmat qiladi. Alohida ta’kidlashni istardimki, loyiha ham Ucell kompaniyasining, ham mahalliy hokimiyatlarning ko‘magi va O‘zbekiston Axborot texnologiyalari va kommunikatsiyalarini rivojlantirish vazirligi qo‘llashi evaziga umumiy harakatlar bilan muvaffaqiyatli amalga oshirildi”, — dedi Ucell’ning korporativ kommunikatsiyalar bo‘yicha direktori Rodika Verbenyuk.
Ucell kompaniyasi loyihaning qurilish bo‘yicha hamkori — Infranet Asia kompaniyasiga, shuningdek, mintaqalardagi mahalla qo‘mitalari vakillariga alohida minnatdorchilik izhor qiladi.
Zamonaviy va hammabop xizmatlarni taqdim etib, telekommunikatsiya infratuzilmasini rivojlantirish bilan birga, Ucell ijtimoiy jihatdan ham mas’uliyatli kompaniya hisoblanadi va sport, ta’lim, sog‘liqni saqlash kabi sohalarda o‘zining yillik tashabbuslar dasturini ishlab chiqqan. Zamonaviy bolalar o‘yin maydonchalarini qurishga qaratilgan “Ucell — Quvonch makoni” loyihasi O‘zbekistonning barcha viloyatlari markazlarida amalga oshirilishi rejalashtirilmoqda. Maydoncha ochilishi bo‘yicha navbatdagi tadbir 5-sentabr kuni Qarshi shahrida bo‘lib o‘tadi.
Reklama huquqi asosida
Izoh (0)