12-avgust kuni kuchli portlash ro‘y bergan Xitoyning Tyanszin shahri aholisi ko‘chalarda g‘alati oq ko‘pik qoldirayotgan ilk yog‘inlardan xavfsiramoqda. Bu haqda “Segodnya.ua” xabar berdi.
Ob-havo bo‘yicha mutaxassislar yog‘inlar odamlar salomatligi uchun xavf tug‘dirmasligini bayon qilgan bo‘lsa-da, aholi ko‘pikka tekkan qo‘lda achishish, qichishish alomatlari paydo bo‘layotganidan xavotirda.
Ma’murlar fojia ro‘y bergan hududda 40 ga yaqin turdagi jami uch ming tonna xavfli kimyoviy modda, jumladan, 800 tonna ammiak selitrasi va 500 tonna kaliy nitrati aniqlanganini ma’lum qildi. Ular bu yerda yog‘ib o‘tgan jala yon-atrofga zararli moddalar tarqatishi mumkinligini ham ta’kidlamoqda.
Izoh (0)