12 август куни кучли портлаш рўй берган Хитойнинг Тяньцзинь шаҳри аҳолиси кўчаларда ғалати оқ кўпик қолдираётган илк ёғинлардан хавфсирамоқда. Бу ҳақда «Сегодня.ua» хабар берди.
Об-ҳаво бўйича мутахассислар ёғинлар одамлар саломатлиги учун хавф туғдирмаслигини баён қилган бўлса-да, аҳоли кўпикка теккан қўлда ачишиш, қичишиш аломатлари пайдо бўлаётганидан хавотирда.
Маъмурлар фожиа рўй берган ҳудудда 40 га яқин турдаги жами уч минг тонна хавфли кимёвий модда, жумладан, 800 тонна аммиак селитраси ва 500 тонна калий нитрати аниқланганини маълум қилди. Улар бу ерда ёғиб ўтган жала ён-атрофга зарарли моддалар тарқатиши мумкинлигини ҳам таъкидламоқда.
Изоҳ (0)