“Barselona” va “Sevilya” Tbilisida UEFA Superkubogi tarixidagi eng ko‘p to‘p kiritilgan uchrashuvni o‘tkazdi, deb xabar qiladi “Stadion.uz”.
Bu uchrashuvda yana 10 ta rekord o‘rnatildi yoki takrorlandi.
- Lionel Messi dublga erishib, yevrokuboklardagi gollar soni bo‘yicha Krishtianu Ronalduga yetib oldi (80 gol);
- Uchinchi daqiqada Ever Banega kiritgan gol UEFA Superkubogi tarixidagi eng tezkor gol bo‘ldi;
- Dani Alves UEFA Superkubogini besh marta qo‘lga kiritgan Paolo Maldinining rekordini takrorladi;
- “Barselona” bosh murabbiyi Luis Enrike futbolchi va murabbiy sifatida UEFA Superkubogini qo‘lga kiritgan beshinchi kishiga aylandi. Avval bu natijaga Yoxan Kroyf, Xosep Gvardiola, Karlo Anchelotti va Diyego Simeone erishgan edi;
- “Barselona” beshinchi marta UEFA Superkubogini qo‘lga kiritib, “Milan”ning natijasini takrorladi;
- Kataloniyaliklar to‘qqizinchi marta Superkubok finalida o‘ynadi;
- “Barsa” UEFA Superkubogi bir uchrashuvli formatga o‘tganidan beri finalda 5 ta gol urgan birinchi jamoa bo‘ldi;
- “Sevilya” finalda yutqazgan jamoalar ichida eng ko‘p gol kiritgan klub bo‘ldi;
- “Sevilya” Superkubokda uch to‘p farqini yo‘q qilgan birinchi jamoa bo‘ldi.
- Eng asosiysi Tbilisidagi “Dinamo-Arena” stadionida neytral maydonda o‘tkazilgan bir uchrashuvga muxlislar tashrifi bo‘yicha rekord o‘rnatildi — 51490 tomoshabin.
Izoh (0)