2015-yilning 11-avgust kuni O‘zbekiston Respublikasi Tashqi ishlar vazirligida Koreya Respublikasining Favqulodda va Muxtor Elchisi Li Uk Hon bilan uchrashuv bo‘lib o‘tdi. Bu haqda O‘zbekiston TIV matbuot xizmati xabar bermoqda.
Suhbat chog‘ida O‘zbekiston—Janubiy Koreya kun tartibining dolzarb masalalari hamda O‘zbekiston Prezidenti Islom Karimovning 2015-yil may oyida Koreya Respublikasiga davlat tashrifi doirasida erishilgan kelishuvlarni amalga oshirish jarayoni muhokama qilindi.
Uchrashuvda tomonlar bo‘lajak ikki tomonlama siyosiy maslahatlashuvlar va boshqa qo‘shma tadbirlarni o‘tkazish muddatlari, shuningdek, “Koreya Respublikasi – Markaziy Osiyo” hamkorligi Forumining 9-yig‘ilishiga tayyorgarlik masalalarini ko‘rib chiqdi.
Izoh (0)