Surxondaryo viloyati ichki ishlar organlari tizimida qator yangi rahbarlar tayinlandi, deya xabar bermoqda “Gazeta.uz” O‘zbekiston IIVning “Postda” gazetasiga tayanib.
Surxondaryo viloyati Ichki ishlar boshqarmasi boshlig‘i etib podpolkovnik Jasurbek Atayev, viloyat IIB Patrul-post xizmati va jamoatchilik tartibini saqlash boshqarmasi boshlig‘i etib podpolkovnik Ahmad Holiqov, viloyat IIB Tashkiliy inspektorlik bo‘limi boshlig‘i etib mayor Faxriddin Mengliyev tayinlandi.
Ichki ishlar vazirining buyrug‘i bilan, shuningdek, Farg‘ona viloyati Buvayda tumani Ichki ishlar bo‘limi boshlig‘i etib podpolkovnik Shavkatjon Mavlonov belgilandi. Podpolkovnik Baxtiyor Shamsiddinov Navoiy viloyat IIB Shaxsiy tarkib bo‘yicha maxsus inspeksiyasi boshlig‘i bo‘ldi.
Izoh (0)