Dushanbe, Ostona, Moskva va Ashxoboddagi prezident qarorgohlari jahondagi eng zo‘r saroylar o‘nligiga kirdi

Tojikiston, Qozog‘iston, Rossiya va Turkmaniston prezidentlarining saroylari davlat rahbarlari uchun qarorgoh sifatida xizmat qiladigan jahonning eng zo‘r saroylari o‘nligidan o‘rin oldi. Bu haqda “12news.uz” xabar bermoqda.

Theestle.net ma’lumotlariga ko‘ra, reytingda AQSh prezidentining qarorgohi — Vashingtondagi Oq uy yetakchilik qilmoqda. Kuchli uchlikdan Dushanbedagi Millat uyi (Tojikiston) va Ostonadagi “Oq o‘rda” saroyi (Qozog‘iston) o‘rin olgan.

Ro‘yxatga, shuningdek, Dubaydagi BAA rahbari saroyi, Praga (Chexiya)dagi Praga gradi qal’asi, Moskva (Rossiya)dagi Katta Kreml saroyi, Ashxobod (Turkmaniston)dagi “Og‘uzxon” saroy majmuasi, Yaunde (Kamerun)dagi Prezident saroyi, Taybey (Tayvan)dagi Prezident saroyi, Akkra (Gana)dagi Prezident saroyi ham kiritilgan.