Xitoyda choy reklamasi uchun AQSh prezidenti Barak Obama va KXDR yetakchisi Kim Chen In bir-birini quchoqlab turgani tasvirlangan suratdan foydalanildi. Bu haqda “Nur.kz” xabar bermoqda.
O‘zaro keskin munosabatlarda bo‘lgan ikki mamlakat rahbarlari tasvirlangan posterga quyidagicha yozuv ham ilova qilingan: “(Mahsulot nomi)ni ichib, butun dunyo odamlari birlashadi”.
Mazkur holat yuzasidan Vashington va Pxenyan hozircha hech qanday bayonot berganicha yo‘q. Shuningdek, reklama mualliflari Obama va Kim Chen In qiyofasidan foydalanish uchun ruxsat olgan-olmaganligi ham aniq emas.
Qayd etish joiz, Xitoy qonunchiligiga muvofiq, “boshqa shaxslarning ismi va suratlaridan foydalanganda reklama beruvchi yoki reklama agenti ulardan oldindan yozma ko‘rinishda ruxsat olishi kerak”.
Ma’lumot uchun, AQSh va Shimoliy Koreya o‘rtasida o‘zaro diplomatik aloqalar rasman 1950-yilda uzilgan va shundan beri qayta tiklanmagan.
Izoh (0)