O‘zbekistonlik FIFA hakami Ravshan Ermatov 9-avgust kuni 38 yoshga to‘ldi. Bu haqda “Uff.uz” xabar bermoqda.
1977-yili Toshkent shahrida tug‘ilgan Ravshan Ermatov 2003-yildan beri xalqaro miqyosda futbol uchrashuvlariga hakamlik qilib keladi. O‘tgan davr mobaynida u yoshlar va o‘smirlar o‘rtasidagi jahon chempionatlari, Osiyo Kubogi (2011, 2015), Klublar o‘rtasidagi jahon chempionati (2008, 2011), Olimpiya o‘yinlari (2012), Konfederatsiyalar kubogi (2013) va Jahon chempionati (2010, 2014)ning muhim uchrashuvlarini boshqarib bordi, Jahon chempionati final bosqichida boshqargan uchrashuvlari soni bo‘yicha (9 ta) tarixiy rekordni o‘rnatdi.
“O‘zbekiston iftixori”, “El-yurt hurmati” ordeni sohibi, Osiyoning besh karra (2008—2011, 2014), O‘zbekistonning ketma-ket to‘qqiz karra (2006—2014) eng yaxshi hakami deb topilgan Ravshan Ermatovni tavallud ayyomi bilan tabriklab, O‘zbekiston nomini jahonga tanitib yurishdagi faoliyatiga omadlar tilab qolamiz!
Izoh (0)