Osiyo chempionati saralash bosqichlariga tayyorgarlik ko‘rayotgan Jasur Abduraimov boshchiligidagi O‘zbekiston yoshlar terma jamoasi Balcom BMW xalqaro o‘rtoqlik kubogida ishtirok etish uchun Yaponiyaga yo‘l oldi, deb xabar beradi O‘zbekiston futbol federatsiyasi matbuot xizmati.
Ushbu musobaqa Yaponiyaning Xirosima shahrida 9—12-avgust kunlari bo‘lib o‘tadi. Turnirda O‘zbekiston yoshlar terma jamoasidan tashqari Xirosima yoshlar terma jamoasi, Yaponiya o‘smirlar terma jamoasi hamda Polsha yoshlar terma jamoasi ishtirok etadi.
Quyida O‘zbekiston yoshlar terma jamoasining o‘yinlari taqvimini keltirib o‘tamiz.
9-avgust.14:00. O‘zbekiston – Polsha
11-avgust.12:00. Yaponiya – O‘zbekiston
12-avgust.09:30. Xirosima – O‘zbekiston
Izoh (0)