Myanmadagi suv toshqinlari oqibatida halok bo‘lganlar soni 96 nafarga yetdi. Bu haqda “RIA Novosti” xabar bermoqda.
Iyun oyida boshlangan yomg‘irlar suv toshqinlariga sabab bo‘ldi. Tabiiy ofat natijasida hozirgi vaqtga qadar 330 ming kishi va 500 ming gektardan ortiq qishloq xo‘jaligi maydonlari zarar ko‘rdi.
Mussonlar mavsumida suv toshqinlarining kuzatilishi Myanma uchun odatiy hollardan biridir. Mamlakatda bu mavsum may oyi oxirida boshlanib, oktabr o‘rtalarida yakuniga yetadi.
Avvalroq Yevrokomissiya aholisi suv toshqinlari va ko‘chkilardan zarar ko‘rgan Myanmaga 1 million, Bangladeshga 500 ming yevro miqdorida yordam puli ajratishi ma’lum qilingandi.
Izoh (0)