Мьянмадаги сув тошқинлари оқибатида ҳалок бўлганлар сони 96 нафарга етди. Бу ҳақда «РИА Новости» хабар бермоқда.
Июнь ойида бошланган ёмғирлар сув тошқинларига сабаб бўлди. Табиий офат натижасида ҳозирги вақтга қадар 330 минг киши ва 500 минг гектардан ортиқ қишлоқ хўжалиги майдонлари зарар кўрди.
Муссонлар мавсумида сув тошқинларининг кузатилиши Мьянма учун одатий ҳоллардан биридир. Мамлакатда бу мавсум май ойи охирида бошланиб, октябр ўрталарида якунига етади.
Аввалроқ Еврокомиссия аҳолиси сув тошқинлари ва кўчкилардан зарар кўрган Мьянмага 1 миллион, Бангладешга 500 минг евро миқдорида ёрдам пули ажратиши маълум қилинганди.
Изоҳ (0)