Politsiya maxsus bo‘linmasi 8-avgust, shanba kuni Bryusselning Sent-Jos tumanida qurollangan jinoyatchi borligi gumon qilingan uyni zabt etdi, ammo u yerda hech kim yo‘qligi ma’lum bo‘ldi. Bu haqda “RIA Novosti” ma’lumotlariga tayanib, “Zakon.kz” xabar bermoqda.
Avvaliga OAV politsiya 7-avgust, jumaga o‘tar kechasi bu hududda ro‘y bergan otishma ishtirokchilaridan biri yashiringan uyni qurshab olganini ma’lum qilgandi. Biroq zabt etish chog‘ida uy bo‘m-bo‘sh ekanligi ma’lum bo‘ldi.
Iyul oyi oxirlarida maxsus bo‘linma odamlar garovga olingani haqidagi xabardan so‘ng Bryussel markazidagi xonadonlardan birida sobiq harbiy qamalib olgan ko‘pqavatli uyni kechasi bilan qamal qilgan, biroq ishg‘ol chog‘ida binoda tutqunlar yo‘qligi, harbiy esa qurollanmagani ma’lum bo‘lgandi.
Izoh (0)