Estoniyada Afrika vabosi virusi aniqlandi. Bu haqda “Vesti.ru” ma’lumotlariga tayanib, “Tengrinews.kz” xabar bermoqda.
8-avgust, shanba kuni 6426 bosh cho‘chqa boqiladigan fermada ushbu virus borligi ma’lum bo‘lgan. Endi bu hayvonlarning barchasi yo‘q qilinib, binoga infeksiyaga qarshi vositalar yordamida ishlov beriladi. 3 kilometr aylanada karantin, 7 kilometr atrofda esa kuzatuv hududi tashkil etiladi.
Estoniyada bu virus bilan kasallanish holatlari oldin ham qayd etilgan, jami to‘qqiz xo‘jalik 2228 ta uy cho‘chqasini nobud qilishga majbur bo‘lgan edi. Afrika vabosi odamlar hayotiga xavf solmasa-da, chorvachilik sohasiga katta iqtisodiy zarar keltiradi.
Izoh (0)