2015-yilning uchinchi moliyaviy choragi yakunlari bo‘yicha hisobot natijalari ta’sirida Apple aksiyalari qiymati 14 foizga tushib ketdi va 2015-yilning 20-iyulidan keyingi qisqa davr mobaynida kompaniya narxi 90 milliard dollarga arzonlashdi. Bu haqda “Gazeta.ru” xabar bermoqda.
Apple’ning bozor narxi 2015-yil fevralida rekord daraja — 765 milliard dollarga chiqqandi, hozir esa kompaniya qiymati 656 milliard dollardan biroz ortiq. Ayni vaqtda bozorda Apple’ning 5,77 milliard dona aksiyasining har biri 115 dollardan aylanmoqda.
Apple aksiyalari narxi tushishi kompaniyaning bir mahsulot — iPhone smartfoniga haddan tashqari bog‘lanib qolgani bilan izohlanmoqda. Qayd etish joiz, smartfonlar bozori eng tez o‘sayotgan mamlakat — Xitoyda iPhone savdosi ko‘rsatkichlari Xiaomi va Huawei’dan so‘ng uchinchi o‘rinda turibdi.
Izoh (0)