Smartfonlar uchun g‘iloflar ishlab chiqaruvchi Spigen kompaniyasi Samsung’ning Galaxy Note 5 va S6 Edge+ flagman smartfonlarining dastlabki suratlarini namoyish etdi. Bu haqda “Korrespondent.net” xabar bermoqda.
Spigen yangi smartfonlarning texnik ko‘rsatkichlari haqida axborot bera olmaydi. AnTuTu mutaxassislari baholashlariga ko‘ra, har ikkala smartfon ham 5,6 dyuym va 2560x1440 pikselli ekran bilan ta’minlanadi.
Samsung’ning bu flagmanlari 8 yadroli, chastotasi 2,1 gigagerts bo‘lgan Exynos 7420 protsessori asosida ishlaydi. Tezkor xotira hajmi 4 gigabayt, ichki xotira esa 16 gigabaytni tashkil etadi. Asosiy va old kameralar esa mos ravishda 16 va 5 megapikselga teng.
Izoh (0)