Germaniya bosh prokurori OAVga bosim o‘tkazgani uchun iste’foga chiqariladi

Germaniya adliya vaziri Xayko Maas avvalroq jurnalistlarga nisbatan davlatga xiyonat qilish haqida ish ochgan mamlakat bosh prokurori Xarald Rangeni iste’foga chiqarishga qaror qildi, deya xabar bermoqda “Korrespondent.net”.

Range o‘tgan hafta Konstitutsiyani himoya qilish bo‘yicha muassasaning internetdagi kuzatuvni kengaytirish rejalari to‘g‘risidagi maqolani e’lon qilgan “Netzpolitik.org” sayti jurnalistlariga qarshi ish qo‘zg‘ashga qaror qilgan edi.

Keyinroq prokuror ekspertlar davlatga xiyonat haqida gapirishga sabab bor-yo‘qligini aniqlashi uchun ishni to‘xtatib qo‘ydi. Adliya vaziri aytishicha, bosh prokuror uning ishonchini yo‘qotgan.

Avvalroq Range hukumatni tergovning borishiga aralashishda ayblagan edi.