Yaponiya hukumati Okinava orolining Ginovan shahri atrofida joylashgan AQShning Futemma dengiz piyodalari aviabazasini Xenoko tumaniga ko‘chirish masalasini bir oyga kechiktirishga qaror qildi. Tokioda bo‘lib o‘tgan matbuot anjumanida mamlakat Vazirlar mahkamasi bosh kotibi Yosixide Suga ma’lum qilganidek, bu muddat mobaynida hukumat mahalliy ma’murlar bilan ushbu masala yuzasidan kelishmovchiliklarni bartaraf etishga harakat qiladi. Bu haqda “TASS” xabar bermoqda.
AQSh aviabazasini ko‘chirish 2006-yildan beri muhokama qilinadi. Mahalliy ma’murlar fuqarolarning tashabbuskor guruhlari yordamida uni Okinavadan butkul ko‘chirishni talab qilmoqda. Sindzo Abe boshchiligidagi markaziy hukumat esa aviabazani orolning boshqa hududi—Xenoko tumaniga o‘tkazishni yoqlamoqda.
Izoh (0)