Rossiyaning “Energiya” raketa-kosmik korporatsiyasi Amerikaning Orbital Sciences Corporation kompaniyasiga 1 milliard dollarlik shartnoma bo‘yicha 60 ta RD-181 raketa dvigatelining dastlabki ikkitasini yetkazib berdi. Bu haqda “Energiya” RKKga tayanib, “RIA Novosti” xabar berdi, deb yozadi “RBK”.
Amerikaning Antares eltuvchi raketasi uchun 60 ta RD-181 raketa dvigatelini yetkazib berish to‘g‘risidagi shartnoma AQSh va Rossiya o‘rtasida 2015-yil 1-yanvarda imzolangan edi. Avval AQShga RD-180 dvigatellari yetkazilgan.
Yangi dvigatellarning dastlabki ikkitasi Amerika tomoniga 16-iyul kuni yetkazildi. Keyingi partiyaning qachon yuborilishi ma’lum qilinmayapti.
Izoh (0)