Япония ҳукумати Окинава оролининг Гинован шаҳри атрофида жойлашган АҚШнинг Футэмма денгиз пиёдалари авиабазасини Хэноко туманига кўчириш масаласини бир ойга кечиктиришга қарор қилди. Токиода бўлиб ўтган матбуот анжуманида мамлакат Вазирлар маҳкамаси бош котиби Ёсихидэ Суга маълум қилганидек, бу муддат мобайнида ҳукумат маҳаллий маъмурлар билан ушбу масала юзасидан келишмовчиликларни бартараф этишга ҳаракат қилади. Бу ҳақда «ТАСС» хабар бермоқда.
АҚШ авиабазасини кўчириш 2006 йилдан бери муҳокама қилинади. Маҳаллий маъмурлар фуқароларнинг ташаббускор гуруҳлари ёрдамида уни Окинавадан буткул кўчиришни талаб қилмоқда. Синдзо Абэ бошчилигидаги марказий ҳукумат эса авиабазани оролнинг бошқа ҳудуди—Хэноко туманига ўтказишни ёқламоқда.
Изоҳ (0)