Politsiya Afrika va Yaqin Sharqdan kelgan muhojirlarning Buyuk Britaniyaga noqonuniy kirish uchun La-Mansh ostidagi tunnelga Fransiya tomondan o‘tishga bo‘lgan urinishi oldini oldi. Bu haqda Sky News telekanaliga tayanib, “TASS” xabar berdi.
“Yuzlab muhojirlar himoya to‘siqlaridan oshib o‘tib, La-Mansh ostidagi tunnelga kirmoqchi bo‘lganida politsiya maxsus bo‘linmasi ularning Buyuk Britaniyaga o‘tishiga qarshilik qildi. Muhojirlardan 200 nafari tunnel oldida paydo bo‘lguniga qadar bir necha to‘siqlardan o‘tishga ulgurgan edi”, — deya hikoya qiladi telekanal.
Ma’lum bo‘lishicha, qochoqlar to‘siqlarning oxirgi chizig‘iga yaqinlashganda tunnelni qo‘riqlayotgan harbiy xizmatchilarga o‘nlab politsiyachilar yordamga yetib kelgan.
Izoh (0)