1-avgust, shanba kechki payt Nyu-Yorkning eng mashhur osmono‘par binosi — 102-qavatli Empire State Building devorlaridan birida yo‘qolib ketish xavfi ostidagi jonivorlarning nurli tasvirlari paydo bo‘ldi. Ushbu tadbir tabiat himoyachilari tomonidan yo‘qolib borayotgan turlarni asrashga barchaning e’tiborini jalb etish maqsadida uyushtirildi. Bu haqda “TASS” xabar bermoqda.
Qor qoploni, noyob qushlar, maymunlar, ilonlar va dengiz jonivorlarining nurli suratlari bastakor Jey Ralf musiqasi sadolari ostida almashib turdi. Tasvirlar qo‘shni binolardan biriga o‘rnatilgan 40 ta kuchli projektor yordamida hosil qilindi.
Tashkilotchilar Nyu-York ma’murlaridan ushbu tadbirni o‘tkazishga ruxsat olishlari uchun salkam uch yil vaqt ketdi va bundan atigi bir oy avval nihoyat ijozat tegdi. Sarflangan 1 million dollar atrofidagi mablag‘ asosan turli xayriya jamg‘armalari tomonidan ajratildi.
Izoh (0)