Myanmadagi musson yomg‘irlari keltirgan suv toshqinlari tufayli halok bo‘lganlar soni 60 kishiga yetdi. Bu haqda “RIA Novosti” xabar bermoqda.
Ofat oqibatida 20 ming uy vayron bo‘ldi, 200 ming kishi jabrlangan. Mamlakat hukumati, qurolli kuchlar, shuningdek, Qizil xochning mahalliy bo‘limi suv toshqinlari oqibatlarini bartaraf etish uchun zarur choralar ko‘rmoqda, jabrlanganlarga oziq-ovqat, suv va ta’minot uchun kerakli boshqa narsalar yetkazilmoqda.
Myanmada suv toshqinlari mamlakat hududida may oxirida boshlanib, oktabr oyi o‘rtalarida tugaydigan musson yomg‘irlari mavsumida tez-tez sodir bo‘lib turadi.
Izoh (0)