Vladimir Putin Turkiya prezidenti Rajab Toyyib Erdo‘g‘on bilan kuzda uchrashadi va mazkur uchrashuvda “Turk oqimi” loyihasining kelajagi muhokama qilinadi. Bu haqda Rossiya prezidentining matbuot kotibi Dmitriy Peskov ma’lum qildi, deya xabar berdi “Vedomosti” nashri.
Davlat rahbarlari Turkiyada yangi hukumat tarkibi shakllantirilganidan so‘ng uchrashishga kelishgan, biroq qayta saylovlar talab etilgudek bo‘lsa, bu jarayon kuz oxirigacha cho‘zilishi mumkin.
Keyingi paytda “Turk oqimi” loyihasining kelajagi mavhum bo‘lib turibdi. O‘tgan haftada Reuters agentligi loyiha yuzasidan muzokaralar to‘xtatilganini xabar qilgan edi, ammo Turkiyaning Rossiyadagi elchisi Umid Yardim va Rossiya energetika vaziri Aleksandr Novak bu ma’lumotni inkor etdi.
Ta’kidlanishicha, muzokaralarning vaqtinchalik to‘xtatilganiga gaz narxi yoki gaz tarmoqlari soni bo‘yicha bahslar emas, balki aynan Turkiyada vazirlar mahkamasi yo‘qligi asosiy to‘siq bo‘lmoqda.
Izoh (0)