30-iyul kuni Toshkent viloyatida O‘zbekiston Mehnat va aholini ijtimoiy himoya qilish vazirligi tashabbusi bilan tashkil qilingan va yoshlarda tadbirkorlikka qiziqish uyg‘otishga qaratilgan aksiyaga start berildi, deya xabar bermoqda vazirlik matbuot xizmati.
Aksiya mohiyati shundan iboratki, uch kun davomida Toshkent viloyatining Zangiota tumanidagi barcha kollejlarda “O‘z biznesini boshlash uchun ochiq eshiklar kunlari” o‘tkazilib, bitiruvchilarning biznes g‘oyalarini imtiyozli shartlar bilan tijorat banklari kreditlari bilan ta’minlash taklif qilinadi. Ushbu dastur Farg‘ona vodiysining uch viloyati va Sirdaryo viloyatida allaqachon ishga tushgan va ijobiy natijalar keltirmoqda.
Bitiruvchilar xususiy biznesning ko‘plab yo‘nalishlariga qiziqmoqda. Ayniqsa, xizmat ko‘rsatish nuqtalari, sartaroshxonalar, aholidan xizmatlar uchun onlayn to‘lov qabul qilish punktlari, avtoservislar, qahvaxonalar qiziqish markazida bo‘lmoqda.
Izoh (0)