Axborot texnologiyalari va kommunikatsiyalarini rivojlantirish vazirligining 2015-yil 30-iyuldagi buyrug‘i bilan G‘ayratxo‘ja Saydaliyev Uzinfocom Kompyuter va axborot texnologiyalarini rivojlantirish va joriy etish markazi direktori etib tayinlandi. Bu haqda Uzinfocom korporativ blogi xabar bermoqda.
G‘ayratxo‘ja Saydaliyev 1982-yil Toshkent shahrida tug‘ilgan. U Uzinfocom markazidagi faoliyatini 2011-yilda Kompyuterlashtirish markazlariga ko‘maklashish guruhi boshlig‘i lavozimi bilan boshlagan, keyinroq Uzinfocom markazi direktori o‘rinbosariga aylangan.
2014-yil yanvarida o‘z karyerasini Uzinfocom markazi direktorining birinchi o‘rinbosari lavozimi bilan davom ettirgan, 2015-yil 9-martda Uzinfocom markazi direktori vazifasini vaqtinchalik bajaruvchi etib tayinlangan edi.
Izoh (0)