Buyuk Britaniyada sigirlar yangi tug‘ilgan tyulen bolasini saqlab qoldi. U Linkolnshir grafligidagi yaylovlardan biridagi ko‘lmakda qayerdandir paydo bo‘lib qolgan. Bu haqda Mashable’ga asoslanib, “Vesti.ru” xabar bermoqda.
Tyulen bolasini shu yerda qushlarni kuzatayotgan parrandashunos Yen Ellis payqagan. Unga maydondagi iflos ko‘lmakni o‘rab olgan sigirlar podasining o‘zini tutishi g‘alati tuyulgan va u gap nimada ekanligini bilishga qaror qilgan. Yaylovdagi ko‘lmakda tug‘ilganiga endigina besh kun to‘lgan tyulen bolasiga ko‘zi tushadi. Hoynahoy, u suv ko‘tarilishi chog‘ida sohilga kelib qolgan va ortga qaytolmagan.
Uni Natureland Seal Sanctuary tyulenlar markazi mutaxassislari qo‘liga topshirishdi. Ularning ta’kidlashicha, “topilma” ochlik, suvsizlanish va nafas olish bilan bog‘liq muammolarga duch kelgan.
Tyulencha vazni tosh bosgudek bo‘lguncha va o‘ziga mustaqil ravishda ozuqa topishni o‘rganmagunicha markazda qoladi. Shundan so‘nggina uni dengizga qo‘yib yuborishadi.
Izoh (0)