Буюк Британияда сигирлар янги туғилган тюлень боласини сақлаб қолди. У Линкольншир графлигидаги яйловлардан биридаги кўлмакда қаердандир пайдо бўлиб қолган. Бу ҳақда Mashable’га асосланиб, «Vesti.ru» хабар бермоқда.
Тюлень боласини шу ерда қушларни кузатаётган паррандашунос Йэн Эллис пайқаган. Унга майдондаги ифлос кўлмакни ўраб олган сигирлар подасининг ўзини тутиши ғалати туюлган ва у гап нимада эканлигини билишга қарор қилган. Яйловдаги кўлмакда туғилганига эндигина беш кун тўлган тюлень боласига кўзи тушади. Ҳойнаҳой, у сув кўтарилиши чоғида соҳилга келиб қолган ва ортга қайтолмаган.
Уни Natureland Seal Sanctuary тюленлар маркази мутахассислари қўлига топширишди. Уларнинг таъкидлашича, «топилма» очлик, сувсизланиш ва нафас олиш билан боғлиқ муаммоларга дуч келган.
Тюленча вазни тош босгудек бўлгунча ва ўзига мустақил равишда озуқа топишни ўрганмагунича марказда қолади. Шундан сўнггина уни денгизга қўйиб юборишади.
Изоҳ (0)