AQShning Arizona shtati politsiyasi Finiksdagi uylarning birida boshi tanasidan judo qilingan ayol va ikki itning jasadini topdi. “Segodnya.ua”ning xabar berishicha, gumonlanuvchi o‘z qo‘lini kesib tashlagan, bundan tashqari, ko‘zidan ayrilgan.
Politsiyani qo‘shni xonadonda istiqomat qiluvchi Jorj Loni chaqirgan. U har kuni ruhiy kasal qo‘shnilarining ahvolidan xabar olib turardi, shu kuni u uyga kirishga uringanida, qonga belangan jasadlarni ko‘rgan.
Politsiya xodimlari hodisa joyiga yetib kelganida, 43 yoshli gumonlanuvchi qo‘lini kesib tashlagan, shuningdek, bitta ko‘zi yo‘q edi. Gumondagi erkak kasalxonaga olib kelingan, uni operatsiya qilishgan. Bu vaqtda politsiya jinoyat joyida tekshiruv o‘tkazgan. Ayolning jasadi yotoqxonadagi kiyim shkafidan topilgan.
Gumonlanuvchining so‘zlariga ko‘ra, u oilaning uch a’zosini o‘ldirgan. Bunda u ayol va ikki itni nazarda tutganmi-yo‘qmi, tushunarsiz bo‘lgani sabab, politsiyachilar qolgan qarindoshlarning ahvolini tekshirishga kirishdi.
Izoh (0)