Rossiyalik Sergey Kovalyov boks bo‘yicha yarimog‘ir (79 kilogrammgacha bo‘lgan) vaznda jahon chempioni unvonini o‘zida saqlab qoldi. “TASS” xabariga ko‘ra, Las-Vegasda bo‘lib o‘tgan bahsda u fransiyalik raqibi Najib Muhammadiyni nokautga uchratdi.
Kovalyov Muhammadiyni ikki marta — ikkinchi va uchinchi raundlarda nokdaunga uchratdi. Ikkinchi safar fransiyalik bokschi o‘n soniya ichida qaddini rostlay olmadi va jang rossiyalik sportchining g‘alabasi bilan yakuniga yetdi.
Muhammadiyga qarshi jangda Kovalyov Jahon boks assotsiatsiyasi (WBA), Jahon boks tashkiloti (WBO) va Xalqaro boks federatsiyasi (IBF) tasnifi bo‘yicha chempionlik kamarlarini himoya qildi.
Kovalyov shu kungacha 29 jang o‘tkazgan bo‘lib, ularning 28 tasida g‘alaba qozongan (25 tasida — nokaut bilan), bir marta durang o‘ynagan. Muhammadiy esa professional ringda 37 marta g‘alaba qozonib, to‘rt jangda imkoniyatni boy bergan.
Izoh (0)