“JAR” stadionidagi tozalanmagan o‘rindiqlar tanqid qilindi

So‘nggi paytlarda “JAR” stadionida aytarli o‘yinlar bo‘lmaganligi uchun stadionning bugungi kundagi holatiga achinish ko‘zi bilan qaraysiz, deb yozadi “Championat.asia”.

“Stadion o‘rindiqlariga qachon suv tegib, artilganini bilish juda qiyin. Agar buni arxeologlar kelib aniqlab bermasalar, changni qo‘lingizda artish orqali, uning qalinligidan kelib chiqib bu yerga so‘nggi marotaba qachon farroshning qo‘li tekkan ekan deb yuborasiz.

O‘zbekiston olimpiya terma jamoasini ‘Mash’al’ bilan bo‘lib o‘tgan o‘yinida kuzatilgan bu ayanchli holat, MTJ va OTJ o‘yini oldidan bartaraf etilsa kerak, deb o‘ylagan edik. Afsuski adashgan ekanmiz.

Eng qizig‘i ‘Oq-Tepa’ va ‘Nasaf’ jamoalari o‘rtasidagi o‘yin ham shu stadionda bo‘lgan va buning uchun poytaxtliklar kichik bo‘lmagan summani to‘lab ham berganlar. Shunda ham hech bo‘lmasa VIP o‘rindiqlar artilmagan”, — deb yozadi “Championat.asia”.

Ayrim ishqibozlar tushlik vaqtida yuvilib, quritish uchun tribunaga osib qo‘yilgan gilamdan unumli foydalanib qoldi.