25-iyul kuni Toshkentning “Paxtakor” markaziy stadionida O‘zbekiston milliy terma jamoasi O‘zbekiston olimpiya terma jamoasiga qarshi o‘rtoqlik uchrashuvi o‘tkazdi. Bu haqda O‘zbekiston futbol federatsiyasi matbuot xizmati xabar bermoqda.
Ushbu o‘yin Samvel Babayan boshchiligida o‘tkazilgan ilk yig‘indagi so‘nggi nazorat uchrashuvi edi. Viktor Jalilov boshchilik qilayotgan O‘zbekiston U-23 terma jamoasiga qarshi kechgan uchrashuvda mamlakatning bosh jamoasi 2:0 hisobida g‘alaba qozondi.
Har ikki gol ham tanaffusdan keyin kiritildi. Dastlab, uchrashuvning 66-daqiqasida Sergeyevning darvoza tomon yo‘llagan zarbasidan keyin qaytgan to‘p Odil Hamrobekovning oyog‘iga kelib tushdi va u bo‘sh qolgan darvozani aniq nishonga olib, hisobda milliy terma jamoani oldinga olib chiqdi.
O‘yinning 71-daqiqasida esa Jasur Hasanovning to‘p uzatishidan so‘ng Temurxo‘ja Abduxoliqov aniq zarba yo‘llab, hisobni 2:0 ko‘rinishiga olib keldi. Bu hisob o‘yin yakuniga qadar o‘zgarmadi.
O‘zbekiston milliy terma jamoasi iyul oyidagi yig‘inini yakunladi va keyingi yig‘in 27-avgustdan boshlanadi.
Eslatib o‘tamiz, ushbu jamoalar ishtirokidagi dastlabki uchrashuvda 1:1 hisobi qayd qilingandi.
Nazorat o‘yini
O‘zbekiston MTJ — O‘zbekiston OTJ — 2:0 (0:0)Gollar: Odil Hamrobekov (66), Temurxo‘ja Abduxoliqov (71).
O‘zbekiston MTJ: 12.Aleksandr Lobanov (1.Eldor Suyunov, 46), 2.Yegor Krimets, 8.Sherzod Karimov (25.Doston Hamdamov, 50) (20.Shoxrux Gadoyev, 80), 11.Igor Sergeyev (10.Bahriddin Vahobov, 80), 13.Davron Xoshimov, 14.Akbar Ismatullayev (14.Javlon Mirabdullayev, 72), 16.Ilhom Shomurodov (9.Temurxo‘ja Abduxoliqov, 46), 15.Stanislav Andreyev (5.Odil Xamrobekov, 65), 17.Javohir Sohibov, 19.Eldor Shomurodov (18.Aleksandr Merzlyakov, 65), 23.Farrux Sayfiyev (22.Jasur Xasanov, 65).Zaxira: 21.Akbar To‘rayev, 7.Vladimir Kozak,
O‘zbekiston OTJ: 21.Abdukarim Muxammedov (12.Abror Karimov, 32),16.Sirojiddin Raxmatullayev, 5.Doston Tursunov, 20.Muxsin Ubaydullayev, 2.Akrom Komilov, 4.Muzaffar Muzaffarov, 18.Sardor Sobirxo‘jayev, 6.Abbos Maxstaliyev (23.Diyor Turopov, 50), 13.Doniyor Ismoilov, 10.Sergey Rekun (29.Shoxrux Dostonov, 50), 8.Murod BobojonovZaxiradan tushganlar: 1.AbdumavlonAbdujalilov, 17.Maksimilian Fomin, 3.Sardor Raxmanov, 9.Otabek Shukurov,7.Jahongir Abdumo‘minov, 11.Jasur Xakimov, 22.Quvondiq Ro‘ziyev, 19.Zabihillo O‘rinboyev.
Izoh (0)