“Domodedovo” aeroporti ma’muriyati Rossiya Tergov qo‘mitasi rahbari Aleksandr Bastrikinning tergovchilar 2011-yil yanvarida yuz bergan terakt oqibatida yetkazilgan zararni qoplash uchun tovon pulini aeroportdan undirish niyatida ekanligi haqidagi bayonotiga javob berdi. Bu haqda “Novaya gazeta” xabar bermoqda.
Avvalroq Rossiya Tergov qo‘mitasi “Domodedovo” aeroporti egalariga nisbatan terrorchilik harakati bo‘yicha jinoyat ishi ochgandi. Tergovchilarning fikricha, terrorchilar aeroport transport xavfsizligi uchun javobgar shaxslar o‘z ishiga mas’uliyatsiz qarashiga komil ishonch bilan harakat qilgan.
“Domodedovo” aeroportidagi terrorchilik harakati 2011-yil 24-yanvar kuni yuz bergandi. Qo‘lbola portlovchi uskunaning ishga tushishi oqibatida 37 kishi halok bo‘lgan, yana 172 kishi turli darajada tan jarohati olgan.
Izoh (0)