Germaniyaning Galle shahridagi Maritim Hotel majmuasi sport zalida 23-iyul, payshanba kuni boks bo‘yicha xalqaro “Kimyogarlar kubogi”ning uchinchi kun musobaqalari bo‘lib o‘tdi. Bu haqda O‘zbekiston boks federatsiyasi matbuot xizmati xabar bermoqda.
Yarim final bahslarida o‘zbekistonlik Hasanboy Do‘smatov (49 kilogrammgacha bo‘lgan vazn toifasida) polshalik Devid Jagodzinskini 3:0, Abrorjon Qodirov (52 kilogrammgacha bo‘lgan vazn toifasida) germaniyalik Roni Biblikni 2:1, Murodjon Ahmadaliyev (56 kilogrammgacha bo‘lgan vazn toifasida) germaniyalik Umar Yel-Xagni 2:1, Burgut Hojiboyev (60 kilogrammgacha bo‘lgan vazn toifasida) koreyalik Dayemin Bayeni 3:0 hisobida mag‘lub etdi, Bahodir Jalolov (91 kilogrammdan yuqori vazn toifasida) esa koreyalik Xvapoyeng Songni ikkinchi raundda texnik nokautga uchratdi.
Isroil Madraimov (69 kilogrammgacha vazn toifasida) ringga chiqmay mo‘g‘ulistonlik Bamba Tunshibataga mag‘lub bo‘ldi, 91 kilogrammgacha bo‘lgan vazn toifasida esa Rustam To‘laganov ukrainalik Dmitro Lisoviyga 1:2 hisobida imkoniyatni boy berdi.
24-iyul, juma kuni Hasanboy Do‘smatov mo‘g‘ulistonlik Ganxuag Gan-Yerdenga qarshi, Abrorjon Qodirov fransiyalik Eli Konkaga qarshi, Murodjon Ahmadaliyev germaniyalik Sharaf Ramanga qarshi, Burgut Hojiboyev gollandiyalik Enriko Lakruzga qarshi, Bahodir Jalolov esa germaniyalik Maks Kellerga qarshi final bahslarida ringga chiqadi.
Izoh (0)