Odil Ahmedovning jamoasi Yevropa Ligasida “Slovan” bilan o‘ynaydi

Nufuzi jihatidan Ko‘hna qit’ada Chempionlar Ligasidan so‘ng ikkinchi o‘rinda turuvchi Yevropa Ligasida uchinchi saralash bosqich juftliklari ma’lum bo‘ldi, deb xabar qiladi “Olamsport.com”.

O‘zbekiston termasi yarim himoyachisi Odil Ahmedov to‘p tepayotgan Rossiyaning “Krasnodar” klubi bu bosqichda Slovakiyaning “Slovan” jamoasi bilan to‘qnash keladi.

“Slovan” 2-saralash raundida ikki o‘yin natijasiga ko‘ra Irlandiyaning “YuKD” klubini mag‘lub etdi. “Krasnodar” dastlabki o‘yinni o‘z maydonida 30-iyul kuni o‘tkazadi. Javob uchrashuvi 6-avgust kuni Bratislavada bo‘lib o‘tadi.