Amerika Qo‘shma Shtatlarida yangi Knock Knock Live teleshousi ommalashib bormoqda. Ushbu teleloyihada mashhur insonlar kimningdir oilasiga tashrif buyuradi va katta summadagi chekni topshiradi, deb xabar qiladi “Sport.ua”.
Ko‘rsatuvning oxirgi soni qahramoni sobiq futbolchi Devid Bekxem bo‘ldi. U qashshoqlikda kun ko‘rayotgan sobiq futbolchining oilasiga yordam berishga qaror qildi.
Bekxem tashrif buyurgan oilaning boshlig‘i mister Gonsales yoshligida professional futbolchi bo‘lgan va Meksika jamoalaridan birida to‘p surgan. Oradan ma’lum bir vaqt o‘tganidan keyin u oilasini boqish uchun sportni tark etgan va qurilishga ishga kirgan.
https://youtu.be/8n6WNa9jbik
Videoda Gonsaleslar oilasiga Bekxem kirib kelgan paytidagi ularning ehtiroslariga guvoh bo‘lish mumkin. Bolalar hayajondan yig‘lab yubordi. Avvaliga Devid oilaning har bir a’zosiga bittadan iPhone sovg‘a qildi, keyin esa telefon qo‘ng‘iroqlari hisobidan xavotirlanmasliklarini, hisob oldindan 10 yilgacha to‘lab qo‘yilganini ma’lum qildi. Oxirida esa futbolchi Gonsalesning rafiqasiga konvert tutqazdi, uning ichida esa 100 ming dollarga chek bor edi.
Izoh (0)