Германиянинг Галле шаҳридаги Maritim Hotel мажмуаси спорт залида 23 июль, пайшанба куни бокс бўйича халқаро «Кимёгарлар кубоги»нинг учинчи кун мусобақалари бўлиб ўтди. Бу ҳақда Ўзбекистон бокс федерацияси матбуот хизмати хабар бермоқда.
Ярим финал баҳсларида ўзбекистонлик Ҳасанбой Дўсматов (49 килограммгача бўлган вазн тоифасида) польшалик Дэвид Жагодзинскини 3:0, Аброржон Қодиров (52 килограммгача бўлган вазн тоифасида) германиялик Рони Библикни 2:1, Муроджон Аҳмадалиев (56 килограммгача бўлган вазн тоифасида) германиялик Умар Ел-Хагни 2:1, Бургут Ҳожибоев (60 килограммгача бўлган вазн тоифасида) кореялик Даемин Баени 3:0 ҳисобида мағлуб этди, Баҳодир Жалолов (91 килограммдан юқори вазн тоифасида) эса кореялик Хвапоенг Сонгни иккинчи раундда техник нокаутга учратди.
Исроил Мадраимов (69 килограммгача вазн тоифасида) рингга чиқмай мўғулистонлик Бамба Туншибатага мағлуб бўлди, 91 килограммгача бўлган вазн тоифасида эса Рустам Тўлаганов украиналик Дмитро Лисовийга 1:2 ҳисобида имкониятни бой берди.
24 июль, жума куни Ҳасанбой Дўсматов мўғулистонлик Ганхуаг Ган-Ерденга қарши, Аброржон Қодиров франциялик Эли Конкага қарши, Муроджон Аҳмадалиев германиялик Шараф Раманга қарши, Бургут Ҳожибоев голландиялик Энрико Лакрузга қарши, Баҳодир Жалолов эса германиялик Макс Келлерга қарши финал баҳсларида рингга чиқади.
Изоҳ (0)