Yaponiyada issiq urishi oqibatida bir hafta davomida 6 mingdan ziyod kishi jabr ko‘rdi, ulardan 14 nafari kasalxonga yetmay hayotdan ko‘z yumdi. Bu haqda mahalliy favqulodda vaziyatlar xizmati ma’lumotlariga asoslanib, “RIA Novosti” xabar bermoqda.
Ayni paytda Yaponiyaning ayrim hududlarida bir necha kundan beri havo harorati Selsiy bo‘yicha 37 darajani ko‘rsatyapti. 13 dan 19-iyulgacha mamlakatda 6165 kishi tibbiy yordam so‘rab, murojaat qilgan. Bu o‘tgan haftadagiga nisbatan deyarli ikki barobar ko‘p. Bu yilgi ko‘rsatkich ham o‘tgan yilning shu davriga nisbatan ikki barobar ortiq.
Jabrlanganlarning yarmidan ko‘pi 65 yoshdan oshgan keksalardir.
Izoh (0)