Японияда иссиқ уриши оқибатида бир ҳафта давомида 6 мингдан зиёд киши жабр кўрди, улардан 14 нафари касалхонга етмай ҳаётдан кўз юмди. Бу ҳақда маҳаллий фавқулодда вазиятлар хизмати маълумотларига асосланиб, «РИА Новости» хабар бермоқда.
Айни пайтда Япониянинг айрим ҳудудларида бир неча кундан бери ҳаво ҳарорати Цельсий бўйича 37 даражани кўрсатяпти. 13 дан 19 июлгача мамлакатда 6165 киши тиббий ёрдам сўраб, мурожаат қилган. Бу ўтган ҳафтадагига нисбатан деярли икки баробар кўп. Бу йилги кўрсаткич ҳам ўтган йилнинг шу даврига нисбатан икки баробар ортиқ.
Жабрланганларнинг ярмидан кўпи 65 ёшдан ошган кексалардир.
Изоҳ (0)